تاشقند ۔ 24 جون (اے پی پی) صدر مملکت ممنون حسین آکھیا جو شنگھائی تعاون تنظیم یورپ تے ایشیا اچ جغرافیائی سیاست اچ مثبت تبدیلی دا وڈا ذریعہ ثابت تھیسی،پاکستان مکمل رکن دی حیثیت نال تنظیم نال آپنڑے رابطے بئے پکے بنڑیسی،علاقائی امن تے استحکام اتے ترقی دے نال نال دہشت گردی اتے انتہا پسندی دے خلاف وی آپنڑاں کردار نبھیندے رہسوں۔انہاں اے گالھ جمعہ کوں شنگھائی تعاون تنظیم دے سربراہ اجلاس نال خطاب کریندیں ہوئیں آکھی۔انہاں آکھیا جو پاکستان ایں تنظیم دی رکن دی حیثیت نال شنگھائی اسپرٹ دے تحت رکن ملکاں نال آپنڑے تعلقات کوں بئیا ودھسیی۔انہاں آکھیا جو اساں سمجھدے ہیسے جو اقتصادی ترقی دے ضمن اچ اساڈے خواب اوں ویلھے تئیں پورے نی تھی سگدے جڈاں تئیں علاقائی امن تے استحکام کوں لاحق خطرات دے خاتمے سانگے چنگے طریقے نال کم نہ کیتا ونجے ۔انہاں آکھیا جو شنگھائی تعاون تنظیم پاکستان کوں جنوبی ایشیا، افغانستان اتے خطے دے بئے حصیاں اچ امن تے سلامتی دے ودھارے سانگے فائدہ مند پلیٹ فارم مہیا کریندی اے جیڑھا جو علاقائی استحکام اتے معاشی ترقی دی بنیاد اے۔ایں بارے افغانستان اچ امن بہوں ضروری اے۔انہاں آکھیا جو پاکستان کوں انہاں ڈینھاں دہشت گردی دے چیلنج دا سامنڑاں اے جئیں نال نبڑنڑ سانگے اساں دہشت گردی دا خاتمہ اتے سرحداں دی سکیورٹی کوں یقینی بنڑاونڑ چاہندے ہیسے ۔انہاں آکھیا جو سکیورٹی فورسز ولوں آپریشن ضرب عضب دے تحت دہشت گردی دے خلاف بلاامتیاز کاروائی جاری اے۔صدر مملکت آکھیا جو پاک چین اقتصادی راہداری تے زوروشور نال کم جاری اے جیڑھا جو شنگھائی تعاون تنظیم دے رکن ملکاں کوں بحیرہ عرب اتے جنوبی ایشیاء تئیں رسائی دا ہک وڈا ذریعہ ڈیسی۔ایں توں پہلے ازبک صدر اسلام کریموف ‘ اجلاس اچ ایس سی اتے رہنماواں دا خیر مقدم کریندیں ہوئیں آکھیا جو ایس سی او ملکاں آپسی تعاون نال خطے اچ امن تے خوشحالی گھن کراہیں امسن ۔۔ ایس سی او دے سیکریٹری جنرل راشد علیموف ‘ ایس سی او دی اہمیت اتے تنظیم دے چارٹر دی روشنی اچ انہاں سرگرمیاں کوں اجاگر کیتا۔وزیراعظم دے مشیر برائے خارجہ امور سرتاج عزیز، خارجہ سیکریٹری اعزاز احمد چوہدری اتے ازبکستان اچ پاکستان دے سفیر ریاض بخاری وی ایں موقع تے موجود ہن ۔
