شينزن – 05 – جون (اي پي پي) واپار واري وفاقي وزير ڄام ڪمال خان چيو آهي ته وزيراعظم جي تازي چين جي دوري سان پاڪستان ۾ نئين اقتصادي ۽ معاشي ترقي جي شروعات ٿيندي. اهڙن خيالن جو اظهار هن چين جي شهر شينزن ۾ پاڪستان بزنس ڪانفرنس جي پڄاڻي تي صحافين سان ڳالهائيندي ڪيو. صحافين سان ڳالهائيندي واپار واري وفاقي وزير چيو ته وزيراعظم محمد شهباز شريف جي چين جي دوري سان ٻطرفا مثبت مقصد حاصل ڪنداسين، چين ۽ پاڪستان جا بزنس مين ان ڪانفرنس مان ڀرپور فائدو کڻندا. هن چيو ته پاڪستان چيني سيڙپڪاري جو مڪمل تحفظ ڪندو ۽ ڪاروباري ماڻهن جي ڀرپور معاونت ڪئي ويندي. اي پي پي/ع – ک/ش – چ 18:45
