اسلام آباد ۔ 18ستمبر (اے پی پی) قومی اسمبلی 2018ءدے انتخابات اچ دھاندلی دے الزامات دی چھان بین سانگے خصوصی پارلیمانی کمیٹی قائم کرنڑ دی تحریک منظوری کر گھدی ،جیں دے تحت سپیکر کو ں اے اختیار ڈتا گے جو او قومی اسمبلی اچ قائد ایوان تے قائد حزب اختلاف دے مشورے نال اے کمیٹی بنڑاون ۔کمیٹی اچ حکومت تے اپوزیشن کوں ہکو جہی نمائندگی حاصل ہوسی جڈاں جو کمیٹی دی چیئر پرسن شپ دی نامزدگی وزیر اعظم دی مشاورت نال تھیسی ۔ منگل کوں قومی اسمبلی ،اچ اعلان کیتا جو حکومت تے اپوزیشن وچال پارلیمانی کمیٹی دی تشکیل تے اتفاق تھی گے جیں اچ فیصلہ تھے جو ہک خصوصی کمیٹی تشکیل ڈتی ونجے جیرھا جو 2018ءدے انتخابات دی چھان بین کریسی ، حکومت اتے اپوزیشن کو ںبرابری دی بنیاد تے نمائندگی ڈتی ونجے جڈاںایں چیئرپرسن دی نامزدگی حکومت کریسی تے سپیکر وزیراعظم دے مشورے نال چیئر مین دی نامزدگی کریسن ۔ شاہ محمود قریشی آکھیا جو جیں جذبے نال اے کمیٹی بنڑائی گی اے توقع ہے جو ایں جذبے نال اگی تے ودھنڑاں ہوسی ۔ سپیکر قومی اسمبلی اے تحریک ایوان اچ پیش کیتی جیں کوں متفقہ طور تے منظور کرگھدا گیا ۔
