ہوم آئسو لیشن دی منظوری اسسٹنٹ کمشنر یا اوندا نمائندہ ،ڈی ڈی او ہیلتھ،چیف آفیسرتے مشتمل ڈپٹی کمشنر دی آئسولیشن کمیٹی کریسی
لاہور۔10مئی(اے پی پی)وزیر اعلیٰ پنجاب سردار عثمان خان بزدار ہوم آئسو لیشن دی اجازت ڈے ڈتی اے جیندے بعد کرونا دے مریضاں کوں اپنڑے گھر اچ ہی آئسولیشن اچ رکھیا ونج سگسی۔ہوم آئسو لیشن کیتے عالمی ادارہ صحت دے ایس او پیز تے عملدرآمد یقینی بنڑایا ویسی۔ہوم آئسو لیشن بارے پنجاب اچ اطلاعات دے وزیر فیاض الحسن چوہان ڈسائے جو ہوم آئسو لیشن صرف کرونا وائرس دے معمولی علامات آلے مریضاں کوں ہی ڈتی ویسی،مریضاں کوں صوف ڈسپوزیبل تھاں اچ ہی کھاونڑا ڈتا ویسی، مریض روزانہ طبیعت دی صورتحال ڈساون اتے ہر ڈاہویں ڈینھ کرونا ٹیسٹ کراونڑ دا پابند ہوسی۔انہاں ڈسائے جو پنجاب حکومت کرونا ایکسپرٹ ایڈوائزری گروپ اتے ٹیکنیکل ورکنگ گروپ دی سفارش تے ”ہوم آئسو لیشن “دی اجازت دیندے ہوئے نوٹیفکیشن جاری کرڈتے۔وزیراعلیٰ پنجاب آکھیے جو مریض کوں ہیلتھ اتھارٹی دے زیر نگرانی ضروری سہولتاںا ٓلی عمارت اچ رکھیاویسی،عمارت کوںر وزانہ ڈس انفیکٹ کیتا ویسی اتے سالڈ ویسٹ کوں گائیڈ لائن دے مطابق تلف کیتا ویسی۔اینجھی عمارت اچ آئسو لیشن کائنا تھیسی جتھاں کولنگ اتے ہیٹنگ سسٹم نال وائرس کھنڈنڑ دا خطرہ ہووے جڈاں جو ہوم آئسو لیشن دا منظوری ڈپٹی کمشنر دی بنڑائی گئی آئسولیشن کمیٹی کریسی۔کمیٹی اچ اسسٹنٹ کمشنر یا اوندا نمائندہ ،ڈی ڈی او ہیلتھ،چیف آفیسرشامل ہوسن۔ایں سانگے ہر شہری یونین کونسل اتے دیہی کونسل دی سطح تے وی انجھ کمیٹیاں بنڑایاں ویسن جیڑھیاں ڈاہ ڈینھ کیتے مریض دی آئسو لیشن دا فیصلہ کریسن جڈاں جو آئسو لیشن مکاونڑ کیتے مریض دے ڈو کرونا ٹیسٹ منفی آونڑ لازمی قرار ڈتے گین۔
