اسلام آباد۔12اکتوبر(اے پی پی)وفاقی وزیر موسمیاتی تبدیلی سینیٹر شیری رحمن آکھیے جو موسمیاتی تبدیلیاں پورے ڄڳ کیتے ہک وݙا چیلنج ہین، پاکستان اچ سیلاب نال 33 ملین لوک متاثر ہین، عالمی بنک نقصانات دا ابتدائی اندازہ 40 ارب ڈالر لائے، سیلاب متاثرین دی وݙی آبادی دی بحالی دے چیلنج نال نمٹݨ کہیں کلہے ملک دے وس اچ کائنی، سیلاب نال تباہ انفراسٹرکچر دی بحالی کیتے ودھ وسائل دی لوڑھ اے۔ اسلام آباد اچ پریس کانفرنس کریندے انہاں آکھیا جو سیلاب دی صورتحال خراب اے، ڄاہ ڄاہ تے پاݨی کھڑے، سطح سمندر توں ہیٹھ رقبے توں پاݨی کݙھݨ مسئلہ اے، ایں سیلاب نال 33 ملین لوک متاثر تھین ڄݙاں جو 2010 دے چھل نال 20 ملین لوک متاثر تھئے ہن ڄݙاں جو حالی وی 2 کروڑ 60 لکھ لوک امداد دے تانڳھی ہین، ریلیف آپریشن جاری اے، سندھ اچ سیکڑاں مراکز صحت اتے ڈسپنسریاں زیر آب ہین، عالمی ادارہ صحت آکھیے جو 8.2 ملین لوکاں کوں ہنگامی ہیلتھ کیئر دی لوڑھ اے، ایں بارے جنیوا وی فلیش اپیل کیتی اے۔
