اسلام آباد – 10 آڪٽوبر (اي پي پي) وزيراعظم عمران خان قوم کي يقين ڏياريو آهي ته ملڪ موجوده مشڪل صورتحال مان سرخرو ٿي نڪرندو ۽ سٺو وقت ايندو، جڏهن قوم بدعنوان قيادت کي برداشت ڪندي آهي ته ان جي قيمت ادا ڪرڻي پوندي آهي، مشڪل وقت ۾ ڊڄڻ جي ضرورت نه آهي، پاڪستان وسيلن سان مالامال ۽ الله جو تحفو آهي، 10 سالن ۾ ملڪ جو قرض 30 ارب رپين تائين پهچي ويو آهي. هو وزيراعظم آفيس ۾ نئون پاڪستان هائوسنگ پروگرام جي تقريب جي موقعي تي موجوده معاشي صورتحال جي حوالي سان ڳالهائي رهيو هو.
