اسلام آباد۔6اکتوبر (اے پی پی):وزیر خارجہ بلاول بھٹو زرداری اپݨے جرمن ہم منصب دی دعوت تے 6 توں 7 اکتوبر تئیں جرمنی دا سرکاری دورہ کریسن ۔ دفتر خارجہ دے ترجمان دی طرفوں جاری بیان موجب اے دورہ جرمنی نال ݙو پاسے تعلقات کوں مضبوط اتے ودھاوݨ اچ مدد دے علاوہ یورپی یونین دے ھک اہم رکن نال پاکستان دے رابطے مضبوط کرݨ تے پاکستان اچ ݙراکلے سیلاب تے علاقائی تے عالمی مسئلیں تے آپݨا نقطہ نظر ݙساوݨ دا موقع ݙیسی ، وزیر خارجہ جرمنی دی وزیر خارجہ اینالینا بیرباک نال ملاقات توں علاوہ ٻئی اہم شخصیات نال وی ملاقاتاں کریسن تے میڈیا نال ڳالھ مہاڑ کریسن ، ایں دورے اچ جرمنی نال پاکستان دے اقتصادی رابطے کوں مزید ودھاوݨ تے توجہ ݙتی ویسی جیڑھا جو پاکستان کیتے ھک اہم برآمدی ملک اے۔ وزیر خارجہ بلاول بھٹو زرداری دا اے دورہ سانجھے طور تے فائدہ مند تعاون دے نویں موقع دی وی نشاندہی کریسی ۔
.jpg)
.jpg)
.jpg)
