لاہور۔14مئی (اے پی پی):وزیراعلی پنجاب حمزہ شہبازآکھیے جو سیالکوٹ اچ سی ٹی آئی گراؤنڈ اچ پی ٹی آئی دے جلسہ کرݨ تے اقلیتی برادری کوں اعتراض اے،ایں جاہ تے جلسہ کرݨ دی اجازت نہ ݙتی ویسی ،ہݨ انتقام دی بجائے قانونی کارروائی کریسوں اتے عمران نیازی کوں سکھیسوں جو آئین تے قانون تساݙی کوڑی انا توں زیادہ وݙا اے ۔او ہفتے دے ݙینھ اتھاں عدالت اچ پیشی دے موقع تے میڈیا ںال ڳالھ کریندے پئے ہن ۔حمزہ شہباز آکھیے جوعمران نیازی تماشے لیندا رہے تے کوئی پابندی کائنی مگر ہݨ ایندے کوڑ ختم کرݨ دا ویلھا آڳئے۔وزیر اعلی پنجاب آکھیے جو ہݨ انتقام دی بجائے قانونی کارروائی کریسوں ۔حمزہ شہباز آکھیے حریت پسند ہاں میں تے میݙی پارٹی قیادت جیلاں کٹئن مگرنیازی صاحب تساکوں آئین تے قانون نال کھلواڑ نہ کرݨ ݙیسوں ، مسیحی برادری کوں مشتعل کرݨ دی بجائے سیالکوٹ اچ کہیں ٻئی جاہ جلسہ کرو کوئی اعتراض کائنی مگراے لوک خون خرابہ چاہندن ۔
