بیجنگ۔30ستمبر (اے پی پی) چین دے خودمختارعلاقہ ننگ جا ہوئی دی حکومت پاکستان دے سیلاب متاثرین کیتے 1.75 ملین رینمنبی (آر ایم بی)مالیت دے خیمے اتے کمبل تے مشتمل امداد دا اعلان کیتے ، چین اچ پاکستان دے سفیر معین الحق ننگ جا ہوئی حکومت دی طرفوں پاکستان حکومت دی سیلاب متاثرین دی ریلیف تے بحالی دیاں کوششاں اچ مدد کیتے امداد دے اعلان دی تعریف کیتی ، ایں سلسلے اچ امدادی سامان دی باضابطہ لانچنگ تقریب بذریعہ وڈیو لنک منعقد تھئی جیں اچ چین دے متعلقہ عہدیداراں، پاکستانی سفیر معین الحق اتے سفارتخانے دے ٻئے عہدیداراں شرکت کیتی ۔ ایں موقع تے سٹیڈنگ کمیٹی دے رکن اتے سی پی سی ننگ ژیا کمیٹی دے سیکرٹری جنرل لی ڈونگ شینگ سیلان جاں بحق لوکاں دے لواحقین نال تعزیت دا اظہار کریندے ہوئیں آکھیے جو چین سدا بہار سٹریٹجک کوآپریٹو پارٹنر تے آئرن برادر دی حیثیت نال ایں اوکھے ویلھے پاکستانی عوام دے رلے کھڑے ، انہاں سیلاب متاثرین دی وختی بحالی کیتے نیک خواہشات دا اظہار کریندے ہوئیں ننگ ژیا ہوئی خود مختار علاقے دی حکومت دا پاکستان نال تعلقات کوں مزید مضبوط بݨاوݨ دے عزم دا اعادہ کیتے ۔
