اسلام آباد۔13مئی(اے پی پی):وفاقی وزیر داخلہ رانا ثناء اللہ آکھیے عمران خان سیاسی لیڈر کائنی بلکہ ھک فتنہ اے، جیں ھک سال اچ جتھے تیار کیتے تاں جو فتنہ کوں پروان چڑھا سڳن، دفاعی تنصیبات، حساس ادارے، ایمبولینس، گاݙیاں ، ریڈیو پاکستان دی عمارت کوں ساڑ ݙیوݨ ، مال ڈھور دی منڈی کوں پہلے لٹ گھنݨ تے ول اینکوں ساڑ ݙیوݨ کہیں سیاسی جماعت دا کم کائنی بلکہ اے جتھے دا کم اے ے جئیں دا ایں فتنے آغاز کیتے، پورے ملک اچ 40 توں 45 ہزار دی تعداد ریکارڈ کیتی ڳئی اے جنہاں 23 کروڑ عوام دی املاک کوں ضیان پڄائے ، شرپسندی اچ ملوث لوکاں نال کوئی رعایت نہ کیتی ویسی ،عوام ایں فتنے دا منہ ݙیکھ چکن جیں کوں ووٹ دی طاقت نال مائنس کریسوں ۔ پریس کانفرنس توں خطاب کریندے ہوئیں وزیر داخلہ آکھیے 9 ، 10 اتے 11 مئی کوں جیڑھے واقعات آئی سی ٹی، پنجاب، کے پی کے، بلوچستان، سندھ اتے جی بی اچ تھئن انہاں اچ چالیھ توں پنتالی ہزار شرپسند عناصر جنہاں کوں عمران خان ھک سال اچ شرپسندی دی تربیت ݙے تے تیار کیتا ہئی انہاں سرکاری اتے نجی املاک کوں ضیان پڄائے انہاں واقعات اچ قوم دا سر شرم نول جھک ڳئے ۔ انہاں آکھیے دفاعی اداریں تے لوکاں تے گھراں تے حملے کرݨ کوئی سیاسی کلچر کائنی ماضی اچ وی سیاسی جماعتاں اچ اختلاف تھیندے ہن لیکن ایہو جیہے حملے نی کیتے ڳئے۔
