مڪو پاڪ -12 جون (اي پي پي) ملائيشيا جي مذهبي معاملن واري وزير داتو محمد نعيم بن مختار چيو آهي، ته حج پانڌيئڙن کي خدمتن ۽ سهولتن جي فراهمي لاءِ سعودي عرب جو ڪردار تعريف جوڳو آهي. پرڏيهي خابرو اداري موجب مڪي شريف جي دوري دوران هن ملائيشيا جي حج پانڌيئڙن لاءِ سعودي عرب ۾ غير معمولي خدمتن ۽ سمورين ضروري سهولتن جي فراهمي تي حج ورڪرز جو ٿورو مڃيو. هن ملائيشين حج مشن جي هيڊ ڪوارٽرز جڪو پڻ دورو ڪيو جتي هن حج پانڌيئڙن جي بهترين تجربن جي ضمانت لاءِ ٻنهي ملڪن وچ ۾ جاري سهڪار جي اهميت تي زور ڀريو. واضح رهي ته سعودي حڪومت هلندڙ سال ملائيشين حج پانڌيئڙن لاءِ 31 هزار 600 حاجين جي ڪوٽا رکي آهي.
