اسلام آباد – 25 فيبروري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته سڄي پي ٽي وي هڪ طرف آهي ۽ ايم ڊي پي ٽي وي هڪ طرف آهي، ان طرح معاملا ڪيئن هلندا، 23 ڏينهن کان پي ٽي وي هيڊڪوارٽرز بند آهي ايم ڊي اتي به نٿو وڃي سگهي، ايم ڊي جو عهدو ختم ٿي چڪو آهي، نئين ايم ڊي جو اشتهار به ڏنو ويو آهي، پي ٽي وي جي ايم ڊي کي پاڻمرادو استعيفيٰ ڏيڻ گهرجي. هو پيمرا هيڊڪوارٽر ۾ اطلاعات ۽ نشريات بابت اسٽينڊنگ ڪميٽي جي چيئرمين ۽ ڪميٽي ميمبرن طرفان پي ٽي وي جي مظاهرين کي معاملو حل ڪرڻ جي خاطري ڪرائڻ کانپوءِ ميڊيا سان ڳالهائي رهيو هو.
