اسلام آباد۔18جون (اے پی پی):وفاقی وزیر تجارت سید نوید قمر آکھیے جو ادائیگیاں دے توازن دے بحران اتے فوڈ سکیورٹی کوں لاحق خطریں دے تناظر اچ پاکستان کوں چیلنجز آندے پئن ،انہاں مسئلیں تے توجہ ݙیوݨ دی لوڑھ اے جیڑھے جو اساکوں وبائی مرض توں کڈھݨ تے مستقبل دی تیاری اچ مدد کریسن۔ پریس ریلیز موجب ورلڈ ٹریڈ آرگنائزیشن دی 12ویں وزارتی کانفرنس 12 توں 16 جون تئیں جنیوا اچ منعقد تھئی۔ وزیر تجارت و سرمایہ کاری پاکستان دے وفد دی قیادت کیتی جیں اچ عالمی تجارتی تنظیم اچ پاکستان دے مستقل مشن تے وزارت تجارت دے حکام شامل ہن ۔12 جون کوں افتتاحی تقریب اچ وزیر تجارت کثیر الجہتی تجارتی نظام کوں پیش آندے چیلنجز تے کانفرنس توں خطاب کریندے ہوئیں وزارتی کانفرنساں دے مینڈیٹ تے عمل درآمد دی کمی، جھیڑیں دے تصفیے دا ھک غیر فعال ادارہ، قواعد تے مبنی نظام کوں نظر انداز کرݨِ دا رجحان اتے ارکان دے یکطرفہ اقدامات دے نظام کوں پیش آندے کجھ وݙے چیلنجاں دے طور تے اجاگر کیتے۔
