اسلام آباد۔14اگست (اے پی پی):وزارت خارجہ دے افسران پاکستان دی آزادی دی 75ویں سالگرہ دے موقع تے وطن عزیز کوں شاندار موسیقی دا خراج تحسین پیش کیتے ۔ افسران کلیم عثمانی دے لکھیے ہوئے اتے مہدی حسن دے ڳائے ہوئے مشہور ملی نغمہ ”یہ وطن تمہارا ہے ”کوں ول ریکاڈ کیتے ۔ ایں مشہور ملی نغمے دا انتخاب ایں دے طاقتور پیغام کیتے کیتا ڳیا ہئی جیڑھا جو سارے پاکستانیاں کوں ایں وطن دے اثاثے دی حفاظت دی یاد ݙویندے جیڑھا جو قائداعظم محمد علی جناح دی قیادت اچ سݙے وݙیں دی جدوجہد آزادی دی بدولت معرض وجود اچ آیا اتے ایندے اچ شہدا دی رت رلی اے ، ایندے وچ پاکستان دے نینگراں کیتے ھک تکڑا پیغام اے او آپدی شناخت دی قدر کرن تے یاد رکھن جو انہاں دی محنت تے عزم کوں ملک اڳوں گھن ویسی ، بیاں اچ آکھیا ڳئے جو وزارت خارجہ دے افسران پاکستان دے دفاع دی پہلی لائن دے طور تے آپݨے فرائض چنڳے طریقے نال انجام ݙیندن ، اے ملی نغمہ پاکستان ٹیلی ویژن، ریڈیو پاکستان اتے معروف گلوکار و موسیقار اویس نیازی دے تعاون نال ریکارڈ اتے فلمایا ڳئے۔
