اسلام آباد۔6ستمبر(اے پی پی)نگراں وزیراعظم انوار الحق کاکڑ آکھیے جو پاکستان دی مجموعی قومی پیداوار اچ صنعتاں دا حصہ 12 فیصد توں ودھا تے مکمل استعداد تئیں ڳھن آوݨ کیتے موثر حکمت عملی ٻݨائی ونڄے، معاشی ترقی و صنعتی پیداوار ودھاوݨ کیتے قومی صنعتی پالیسی تیکھے ٻݨائی ونڄے۔ اے ڳالھ انہاں اسلام آباد اچ وزارت تجارت اتے وزارت صنعت وپیداوار دی کارکردگی اتے اہداف بارے جائزہ اجلاس دی اڳواݨی کریندے آکھی۔ اجلاس اچ نگراں وزیر تجارت گوہر اعجاز، وزیرخزانہ ڈاکٹر شمشاداختر، مشیر وزیراعظم احد چیمہ، گورنر سٹیٹ بینک اتے اعلیٰ سرکاری افسران ملکی برآمدات و سرمایہ کاری ودھاوݨ، عالمی منڈیاں تئیں رسائی دے اقدامات، کاروباری برادری اتے لاجسٹکس کمپنیاں کیتے عالمی نقل و حمل نظام اچ رلݨ کیتے آڳاہی پروگرام تے بریفنگ ݙتی ڳئی۔ اجلاس اچ لینڈ پورٹ اتھارٹی دے قیام کیتے مختلف اداریاں نال جاری مشاورت دا وی ݙسایا ڳیا۔ نگران وزیراعظم خسارے آلے قومی ملکیتی اداریاں دی نجکاری تیکھی کرݨ، موبائل فونز دی مقامی تیاری بارے پالیسی اچ تیزی ڳھن آوݨ د?? ہدایت کیتی۔ اجلاس اچ درآمدی بل اچ کمی، برآمدات ودھاوݨ، قیمتی پتھراں اتے معدنیات دی برآمدات منظم کرݨ د?? اقدامات تے بریفنگ ݙتی ڳئی۔
