اسلام آباد۔3اگست(اے پی پی) ڈپٹی چیئرمین سینیٹ سیدال خان ناصر آکھیے غربت مکاوݨ سانڳے پاکستان پاورٹی ایلیوئیشن فنڈ (پی پی اے ایف) دی جامع حکمت عملی واقعی قابل ستائش اے۔ اے ڳالھ انہاں پی پی اے ایف دے دورے تے آکھی اے ۔ انہاں دے رلے سینیٹرز عبدالشکور خان اتے سینیٹ دی کمیٹی تخفیف غربت تے سماجی تحفظ دے چیئرمین سردار الحاج محمد عمر خان گورگیج وی موجود ہن جنہاں رل تے پاکستان اچ غربت کوں ہدف بݨاوݨ آلے اسٹریٹجک اقدامات دی اہمیت تے زور ݙتا ۔ دورے تے پی پی اے ایف دے سی ای او نادر گل باریچ سینیٹرز کوں ادارے دے مینڈیٹ، کم کار تے غربت نال نبݨݨ سانڳے بݨائے ڳئی جدید حکمت عملی دا ݙسائے انہاں آکھیے پی پی اے ایف دیاں کوششاں نہ صرف وختی مالی ضرورتاں کوں پورا کریندی اے بلکہ لوکاں کوں لمبی مدت سانڳے خود کفالت کیتے درکار مہارتاں اتے وسائل نال وی بااختیار بݨیندی اے ۔ ڈپٹی چیئرمین سینیٹ پسماندہ طبقے دی ترقی اچ پی پی اے ایف دے اقدامات دی اہمیت تے زور ݙیندے آکھیے حقیقت اے ہے جوبلا سود قرضیں دا ھک اہم حصہ تریمتاں کوں فیدہ پڄیندے اے صنفی مساوات اتے معاشی بااختیاری اچ کردار ادا کریندن
