اسلام آباد۔11ستمبر(اے پی پی) قومی اسمبلی پارلیمانی مسئلیں دے حل ، آئین تے رولز آف بزنس سانڳے 16 ارکان تے مشتمل خصوصی کمیٹی بݨاوݨ دی تحریک منظور کرڳھدی ۔ وفاقی وزیر اطلاعات عطاءاللہ تارڑ قومی اسمبلی اجلاس اچ پارلیمانی مسئلیں دے حل ، آئین اتے رولز آف بزنس سانڳے کمیٹی بݨاوݨ دی تحریک پیش کیتی جیں دی ایوان منظوری ݙتی۔ وفاقی وزیر اطلاعات ایں موقع تے ݙسائے جو کمیٹی اچ وزارت خزانہ، حکومتی اتے اپوزیشن بینچاں دے ارکان اتے وزیر پارلیمانی امور شامل ہوسن ۔ سپیکر کوں کمیٹی اچ تبدیلی دا اختیار ہوسی ۔ کمیٹی آپݨی رپورٹ ایوان اچ پیش کریسی
