اسلام آباد۔6دسمبر (اے پی پی) وفاقی وزیر داخلہ محسن نقوی سرینہ چوک انٹرچینج پراجیکٹ 10 مہینے دی بجائے 3 مہینے اچ پورا کرݨ دا ٹاسک سی ڈی اے کوں ݙے ݙتے۔ وزیرداخلہ محسن نقوی سرینا چوک تعمیر اتی کم دا جائزہ ڳھنݨ کیتے دورہ کیتا جتھ انہاں پراجیکٹ تے جاری تعمیراتی کم ݙٹھا۔ انہاں آکھیا جو ایں میگا پراجیکٹ نال دارالحکومت اچ ٹریفک دے سالیں دے مسئلے مستقل حل تھیسن۔ انہاں آکھیاجو سرینا چوک انٹرچینج 10 مہینے دی بجائے ترائے مہینے اچ تعمیر تھیسی۔ سرینا چوک انٹرچینج پراجیکٹ دے تحت 2 انڈر پاس ٻݨدے پئن اتے رابطہ سڑکاں ٻݨدی پئن۔ انہاں آکھیاجو 24/7 تعمیراتی کم کر تے منصوبے کوں ویلھے تے پورا کرݨے۔ وفاقی وزیر داخلہ محسن نقوی کوں سرینا چوک انٹرچینج دی تعمیر بارے بریفنگ ݙتی ڳئی۔ چیئرمین سی ڈی اے ، ڈی سی اسلام آباد سودھے متعلقہ سینئر افسرایں موقع تے موجود ہن۔
