اسلام آباد – 23 آگسٽ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته وزيراعظم عمران خان جو پلانٽ فار پاڪستان ويزن سياسي مقصدن جو نه پر ملڪ ۽ قوم جي بقاءَ جو ويزن آهي، ماحولياتي آلودگي ۽ حبس کي گهٽ ڪرڻ جي لاءِ وڻ لڳائڻ تمام ضروري آهي، صحيح وقت تي صحيح فيصلا قيادت جي بصيرت جا عڪاس هوندا آهن انهي لاءِ سرسبز ۽ صاف سٿرو پاڪستان کي پي ٽي آءِ پنهنجي منشور جو حصو بڻايو آهي، اچو پاڪستان کي سرسبز بڻايون جي پروگرام ۾ مشعال ملڪ جي موجودگي ان ڳالهه جو ثبوت آهي ته پاڪستان ۽ ڪشمير لازمي آهن. اهڙن خيالن جو اظهار هن فيڊريشن آف پاڪستان چيمبرز آف ڪامرس اينڊ انڊسٽريز جي اهتمام هيٺ پبلڪ ٽي وي ۽ انٽر اسٽيٽ جي تعاون سان اسلام آباد چيمبر آف ڪامرس ۾ 100 ملين وڻ لڳائڻ جي سڄي ملڪ ۾ مهم شروع ڪرڻ جي موقعي تي منعقد ٿيندڙ تقريب کي خطاب ڪندي ڪيو.
