لاہور۔28ستمبر(اے پی پی)پنجاب اسمبلی مقبوضہ کشمیر دے حریت رہنما سیّد علی گیلانی دی خدمات سانڳے ہک قرار داد منظور کیتی اے۔ سپیکر پنجاب اسمبلی چوہدری پرویز دی اڳواݨی اچ تھیوݨ آلے اجلاس اچ رکن اسمبلی ساجد احمد بھٹہ سیّد علی گیلانی بارے قرار داد پیش کیتی۔ قرارداد اچ آکھیا ڳئے جو بزرگ حریت رہنما گیلانی کشمیریاں کیتے وݙی جدوجہد کیتی، اے ایوان انہاں دی میت دی بے حرمتی تے بھارت دی مذمت کریندے، ایندے تے عالمی برادری نوٹس ڳھندے ہوئے انہاں دی میت اہلخانہ کوں تدفین کیتے ݙیواوے۔
