مظفر آباد۔5فروری(اے پی پی)صدرمملکت ڈاکٹر عارف علوی آزاد کشمیر دے دارالحکومت مظفرآباد اچ یاد گار شہدا دا افتتاح کیتے۔ ایں سانڳے افتتاحی تقریب دے مہمان خصوصی صدرممکت ڈاکٹر عارف علوی ہن ڄݙاں جو چیف آف آرمی سٹاف جنرل قمرجاوید باوجوہ، صدر آزاد کشمیر بیرسٹر سلطان محمود چوہدری، وزیر اعظم سردار عبدالقیوم نیازی، پارلیمانی کشمیر کمیٹی دے چیئرمین شہریار خان آفریدی، اپوزیشن رہنماء اتے آزاد کشمیر دے سابق وزراء اعظم سردار عتیق احمد خان، سردار یعقوب خان، پاکستان پیپلز پارٹی دے صدر چوہدری لطیف اکبر سودھا وفاقی وزرا اتے وݙی تعداد اچ اہم شخصیات موجود ہن۔ یادگار کشمیر اچ شہداء دے نام لکھیے ہوئن اتے انہاں دیاں قربانیاں اڳونہیاں کیتان ڳین۔ یادگار شہداء تحریک آزادی کشمیر اچ جان ݙیوݨ آلیاں کوں خراج عقیدت پیش کرݨ کیتے ٻݨائی ڳئی اے، ایندے نال گیلری اچ مقبوضہ کشمیر دے حالات ݙکھائے ڳین۔
