پشاور۔7ستمبر (اے پی پی):جمعیت علمائے اسلام (ف)دے مرکزی امیر مولانا فضل الرحمان وزیر اعظم محمد شہباز شریف دی خیبر پختونخوا دے سیلاب آلے علاقیں اچ ریسکیو تے بحالی دے کماں دی ذاتی طورتے نگرانی کرݨ دی تعریف کریندے ہوئیں آکھیے جو مصروف شیڈول دے باوجود وزیراعظم سیلاب توں متاثرہ ضلع ڈی آئی خان دا ݙوجھا دورہ کیتے ریلیف اتے ریسکیو آپریشنز دی نگرانی کیتی اے ، اے ڳالھ انہاں وزیر اعظم دے دورہ ڈی آئی خان دے موقع تے نویں سروں تعمیر تے بحالی دیان کارروائیاں دے حوالے نال منعقدہ تقریب توں خطاب کریندے ہوئیں آکھی اے ۔ مولانا فضل الرحمان حکومتی محکمیں تے سیاسی جماعتاں دی امدادی تنظیماں دی تعریف کریندے ہوئیں آکھیے جو سیلاب زدگان کوں کھاوݨ پیوݨ دیاں چیزاں دے نال نال نقدی امداد وی ݙتی ڳئی اے تے سگو پل وھݨ توں بعد پتھے لوکاں کوں ریسکیو کیتا ڳئے ۔
