راولپنڈی۔24نومبر (اے پی پی) پاک فوج دے ترجمان لیفٹیننٹ جنرل بابر افتخار بھارتی فوج دے آزاد کشمیر اچ دہشتگرداں دے لانچ پیڈ دا دعویٰ من گھڑت قرار ݙیندیں ہوئیں آکھیا جو پاک فوج خطے اچ امن کیتے ہر عزم اتے ہر قسم دی مہم جوئی دا پورا جواب ݙیوݨ کیتے تیار اے۔ خمیس کوں ڈی جی آئی ایس پی آر لیفٹیننٹ جنرل بابر افتخار اپݨے ٹویٹ اچ آکھیا جو آزاد جموں تے کشمیر بارے اعلیٰ بھارتی افسر دا بیان بے بنیاد اے، آزاد کشمیر اچ نام نہاد دہشت گرداں دے لانچ پیڈ دا دعوی من ڳھڑت اے۔ اے بیان بھارتی مسلح فوج دے پروپیگنڈا سوچ اے۔ انہاں آکھیا جو بھارتی فوج بھارت دے غیر قانونی زیر تسلط جموں تے کشمری اچ حق خودارادیت دی جدوجہد کچلݨ اچ مصروف اے۔ بھارتی فوج بے گناہ اتے نہتے کشمیریاں دے خلاف انسانی حقوق دی سنگین خلاف ورزیاں توں توجہ ہٹاوݨ کیتے ایجھے بے بنیاد بیان ڳھڑیندی اے۔ ڈی جی آئی ایس پی آر لیفٹیننٹ جنرل بابر افتخار آکھیا جو اقوام متحدہ دی سلامتی کونسل دی قرارداد عالمی قوانین دے تحت حق خودارادیت کشمیریاں دا بنیادی حق اے۔
