اسلام آباد۔24فروری (اے پی پی)قازقستان کیتے پاکستان دے نامزد سفیر نعمان بشیر بھٹی اسلام آباد اچ صدر مملکت ڈاکٹر عارف علوی نال ملاقات کیتی۔ صدر مملکت قازقستان کیتے سفیر نامزدگی تے نعمان بشیر کوں مبارک ݙیندے زور ݙتا جو او پاکستان اتے قازقستان وچال ݙوطرفہ تجارت، سرمایہ کاری و معاشی تعلقات ودھاوݨ کیتے ودھ کوششاں کرن۔ انہاں آکھیا جو پاکستان قازقستان نال اپݨے تعلقات اتے روابط ودھاوݨ چاہندے، ایں سانڳے پاکستان اچ سرمایہ کاری کیتے قازقستان دے کاروباری اتے سرمایہ کار طبقے کوں ودھ مراعات تے ودھ سہولتاں ݙتیان ویسن۔
