اسلام آباد۔19جولائی (اے پی پی) جاڑے شہراں اچ زور دے مینہ پاروں پشاور روڈ تے گولڑہ موڑ دے نیڑے کندھی ڈہݨ پاروں 11 مزدور جاں بحق تھی ڳے۔ ابتدائی اطلاعات موجب بدھ دی سویل اسلام آباد اتے راولپنڈی اچ زور دے مینہ پاروں پشاور روڈ تے گولڑہ موڑ دے نیڑے کندھی ڈہݨ پاروں 11 مزدور جاں بحق تھی ڳے۔۔ پولیس حکام موجب حادثے دی ڄاہ تے امدادی ٹیماں مشین نال 11 بندیاں دی نعشاں کݙھ ڳھدن۔ ملبے تلوں ٻے لوکاں دی ڳول کیتے ریسکیو آپریشن جاری اے۔ پولیس ݙسیا جو ݙہݨ آلی کندھی تقریباً سو فٹ لمبی اتے 11 فٹ اُچی ہئی۔ گولڑہ موڑ تے ٻݨݨ آلے انڈرپاس تے کم کرݨ آلے مزدوراں کندھی نال عارضی ٹینٹ رہائش کیتے لایا ہوئیا ہئی۔ ریسکیو آکھیا جو امدادی ٹیماں ملبے تلوں چار مزدوراں کوں جیندا کݙھ ڳھدے۔
