لاہور۔22جنوری (اے پی پی):نگران وفاقی وزیر صحت ڈاکٹر ندیم جان آکھیے گلوبل ہیلتھ سکیورٹی سانڳے عالمی برادری کوں بنیادی کردار ادا کرݨا ہوسی ،انساناں کوں صحت دے مسئلیں توں بچاوݨ اساں ساریں دی ذمہ واری اے ،وبائی امراض قدرتی آفات دی شکل اختیار کرویندن ۔اے ڳالھ انہاں سنوار دے ݙینھ اتھاں گلوبل ہیلتھ سیمینار دے افتتاحی سیشن توں خطاب کریندے ہوئیں آکھی اے ۔ پنجاب اچ نیشنل ایکشن پلان فار ہیلتھ سکیورٹی دے حوالے نال ترائے ݙینھ وار دی ورکشاپ دے افتتاحی سیشن اچ ماہرین صحت، سرکاری حکام اتے اہم سٹیک ہولڈرز موجود ہن۔ ہیلتھ سکیورٹی پارٹنرز اتے بین الاقوامی تنظیماں دے تعاون نال تھیوݨ آلی ایں ورکشاپ اچ ڈائریکٹر جنرل ہیلتھ سروسز پنجاب ڈاکٹر محمد الیاس، نگران وزیر سپیشلائزڈ ہیلتھ اینڈ میڈیکل ایجوکیشن ڈیپارٹمنٹ پنجاب پروفیسر جاوید اکرم، پرائمری اینڈ سیکنڈری ہیلتھ کیئر پنجاب دے وزیر ڈاکٹر جمال ناصر وی خطاب کیتا۔
.jpg)
