اسلام آباد۔19مارچ (اے پی پی) صدر مملکت آصف علی زرداری آکھیا جو پاکستان اتے بحرین وچال ݙوپاسہ تعلقات کوں آپسی طور فیدہ مند اقتصادی سانجھے داری اچ بدلݨ دی لوڑھ اے۔ صدرمملکت اے ڳالھیں بحرین نیشنل گارڈ دے کمانڈر جنرل شیخ محمد بن عیسیٰ بن سلمان الخلیفہ نال ڳالھ مہاڑ کریندیں ہوئیں آکھی جنہاں منگل کوں ایوان صدر اچ انہاں نال ملاقات کیتی۔ ملاقات اچ پاکستان اچ بحرین دے سفیر محمد ابراہیم محمد عبدالقادر وی موجود ہن۔ صدرمملکت کمانڈر بحرین نیشنل گارڈ دا خیرمقدم کریندیں ہوئیں آکھیا جو پاکستان اتے بحرین وچال آپسی تعلقات ہن جئیں کوں آپسی دلچسپی دے شعبیاں اچ ٻئے مضبوط کرݨ دی لوڑھ اے۔
