اسلام آباد – 21 – سيپٽمبر (اي پي پي) روس مان امدادي سامان جي پهرين اڏام پاڪستان پهچي وئي. ٻوڏ متاثرين جي لاءِ امدادي سامان کڻي اڏام ڪراچي جي جناح انٽرنيشنل ايئرپورٽ تي لٿي. ڄاڻايل امدادي سامان ۾ کاڌي پيتي جون شيون، خيما ۽ پاڻي جي صفائي اوزار شامل آهن. پرڏيهي آفيس موجب امدادي سامان ڪراچي ۾ روسي قونصل جنرل فيڊروف اينڊري، وڏي وزير جي ريليف ۽ بحالي واري صلاحڪار رسول بخش چانڊيو، اين ڊي ايم اي ۽ پرڏيهي وزارت جي نمائندن وصول ڪيو. پاڪستان روس پاران امداد جي آجيان ڪئي آهي.
