اسلا م آباد-11 سيپٽمبر(اي پي پي) قومي اسيمبليءَ ۾ باباءِ قوم محمد علي جناح، محترمه ڪلثوم نواز شريف ۽ اسرائيلي حملن ۾ شهيد ٿيل فلسطينين جي ايصال ثواب لاءِ فاتحه خواني ڪئي وئي. اربع تي قومي اسيمبلي جي اجلاس ۾ قومي اسيمبلي جي ميمبر شازيه مري چيو ته اڄ باباءِ قوم قائد محمد علي جناح جي 76 هين ورسي آهي، جڏهن ته غزه ۾ به بيگناه فلسطينن کي حملن جو نشانو بڻايو ويو آهي، شهيدن جي درجن جي بلند لاءِ دعا ڪئي وڃي. سڌ سماءَ واري وزير عطا الله تارڙ چيو ته اڳوڻو ميمبر حيات خان وفات ڪري ويو آهي ۽ بيگم ڪلثوم نواز جي ورسي به آهي، انهن جي ايصال ثواب لاءِ پڻ دعا ڪئي وڃي. ڊپٽي اسيپڪر جي چوڻ تي سمورن مرحومن جي ايصال ثواب لاءِ فاتحه خواني ڪئي وئي.
