لاہور ۔22اپریل (اے پی پی):وزیراعظم محمد شہباز شریف آکھیے حکومت، عدلیہ اتے وکلاء دی اے ذمہ واری اے جو او مظلوماں دی مدد کیتے اپݨا کردار ادا کرن، جیلاں اچ قیدیاں کیتے علاج معالجہ دی سہولت سودھے ٻئیاں بنیادی سہولتاں دی فراہمی اولین ترجیح اے ، قوم میں توں سوال پچھدی اے جو عدالتاں قیدیاں دی بدترین حالت زار توں متعلق کتنے ازخود نوٹس ڳھدے، اجتماعی دانش توں ملک کوں پیش آندے مسئلیں حل کیتے ونڄ سڳدن ۔ اے ڳالھ مہاڑ انہاں ہفتے کوں عید دے ݙینھ کوٹ لکھپت جیل دے دورہ دے موقع تے ڳالھ مہاڑ کریندے ہوئیں آکھیے ۔ وزیراعظم محمد شہباز شریف مرد و خواتین قیدیاں توں ملاقات کیتی، انہاں دے مسئلے سݨیے تے ایں موقع تے حل کیتے ہدایات جاری کیتن ، انہاں قیدیاں اچ عید گفٹ تقسیم کیتے۔ جیل اچ قیدیاں کیتے ہسپتال، کچن، خواتین بیرک اتے جیل دے مختلف حصیں دا دورہ کیتے۔ انہاں جیل ہسپتال اچ کینسر سودھے ٻئے مریضاں دی عیادت کیتی اتے انہاں دے علاج معالجہ دی بہتر سہولتاں ݙیوݨ کیتے ہدایت کیتی۔ انہاں صفائی دی صورتحال دا جائزہ وی ڳھدا ۔ ایں موقع تے چیف سیکرٹری پنجاب، آئی جی جیل خانہ جات اتے جیل سپرنٹنڈنٹ وی موجود ہن ۔
