اسلام آباد۔15دسمبر (اے پی پی) وفاقی وزیرداخلہ محسن نقوی دورہ سعودی عرب کیتے ریاض پڄ ڳئے۔ سعودی وزیر مملکت برائے داخلہ ڈاکٹر خالد محمد عبداللہ البتال اتے سعودی عرب اچ پاکستانی سفیر احمد فاروق وزیرداخلہ محسن نقوی دا پرتپاک خیرمقدم کیتا۔وفاقی وزیرداخلہ سعودی وزیر مملکت برائے داخلہ ڈاکٹر خالد محمد عبداللہ البتال نال آپسی دلچسپی دے معاملیاں تے ڳالھ مہاڑ کیتی۔ وفاقی وزیرداخلہ 2034 دی فیفا دی میزبانی سعودی عرب کوں ملݨ تے سعودی قیادت اتے عوام کوں مبارخ ݙتی۔ انہاں آکھیاجو سعودی عرب دے ولی عہد محمد بن سلمان دے وژن 2030 ترقی تے خوشحالی دی تاریخ رقم کیتی اے۔ ایں موقع تے سعودی وزیر مملکت برائے داخلہ آکھیا جو پاکستان نال ٻہوں نیڑے دے تعلقات ہن اتے دورہ سعودی عرب اچ اہم ملاقاتاں بارے آپسی تعلقات اچ بہتری دے منتظر ہیسے۔
