بيجنگ -09 آڪٽوبر (اي پي پي) گڏيل قومن ۾ چين جي مستقل نمائندي جانگ جون فلسطين ۽ اسرائيل کان تحمل جو مظاهرو ڪرڻ جو مطالبو ڪيو آهي. چين جي خابرو اداري مطابق گڏيل قومن ۾ چين جي مستقل نمائندي جانگ جون فلسطين ۽ اسرائيل تي زور ڀريو ته هو تحمل جو مظاهرو ڪن ۽ ڇڪتاڻ کي وڌيڪ وڌڻ کان روڪين. هن چيو ته سمورين ڌرين جي ذميواري آهي ته عالمي انساني قانونن جو احترام ڪن ۽ شهرين ۽ شهر جي ٺڪاڻن تي حملن ۽ تباهي کان پاسو ڪن. هن چيو ته عالمي برادري ۽ لاڳاپيل ڌرين کي گهرجي ته هو بحران جي خاتمي ۽ ٻه رياستي حل جي لاءِ ٺوس قدم کڻن.
