عمان – 14 نومبر (اي پي پي) اردن جي پاليامنٽ غزه جي صورتحال جي حوالي سان اسرائيل سان ڪيل معاهدن تي نظرثاني جو فيصلو ڪيو آهي. سعودي سڌ سماءَ جي ذريعن مطابق پارليامنٽ قانوني ڪميٽي کي نظرثاني ۽ ضروري سفارشات مرتب ڪري حڪومت کي پيش ڪرڻ جي هدايت ڪئي آهي. اردن جي پارليامنٽ جي اسپيڪر احمد الصفادي پارليامنٽ جو اجلاس دوران قانوني ڪميٽي کي هدايت ڪئي آهي ته هو غزه ۾ نسل ڪشي ۽ جنگي ڏوهن تي اسرائيلي اختيارين لاءِ ضروري ڪارروائي ڪري. اسپيڪر قانوني ڪميٽي کي چيو آهي ته هو سرڪاري ادارن جي ذريعي عالمي فوجداري عدالت جي سامهون شڪايت داخل ڪرائڻ جو فريم ورڪ تيار ڪري. قانوني ڪميٽي کي اها به هدايت ڪئي وئي آهي ته هو مسلم ۽ عرب ملڪن جي پارليامن ادارن کي ڄاڻايل قدمن کان تحريري طور تي اطلاع ڪري.
