اسلام آباد۔15ستمبر(اے پی پی)نگراں وفاقی وزیر اطلاعات و نشریات مرتضیٰ سولنگی آکھیے جو حکومت کوں نیب ترامیم بارے سپریم کورٹ دے تفصیلی فیصلے دی تانڳھ اے، الیکشن کمیشن دی ہر لوڑھ پوری کیتی ویسی۔ اے ڳالھ انہاں اسلام آباد اچ نگران وزیر خزانہ شمشاد اختر اتے نگراں وفاقی وزیر توانائی محمد علی نال پریس کانفرنس اچ آکھی۔ انہاں آکھیا جو نیب ترامیم بارے سپریم کورٹ دے فیصلے دی تفصیل ملݨ توں بعد وزارت قانون اتے قانونی ماہرین ایندا جائزہ ڳھنسن اتے آندی منسوبہ بندی کریسن۔ ہک سوال تے انہاں آکھیا جو بجٹ اچ الیکشن کیتے رقم مختص اے، حلقہ بندیاں دا کم تھیندا پئے۔ کوشش ہوسی جو انتخابات کیتے الیکشن کمیشن دی سکیورٹی اتے مالی وسائل سودھا ساری لوڑھ پوری کیتی ونڄے۔
