اسلام آباد۔21جولائی(اے پی پی) پاکستان انتہا پسند گروہ دی طرفوں فرینکفرٹ جرمنی اچ آپݨے قونصل خانے تے حملے تے جرمن حکام دی طرفوں قونصل مشن دے احاطے دے تقدس اتے سلامتی دے تحفظ اچ ناکامی دی مذمت کریندے جرمن حکومت تے زور ݙتے جو او ویانا کنونشنز دے تحت اپݨی ذمہ واریاں پوریاں کرݨ تے جرمنی اچ پاکستانی سفارتی مشنز اتے عملے دی سلامتی یقینی بݨاوݨ سانڳے وختی اقدامات کرے ۔ دفتر خارجہ توں جاری بیان اچ ترجمان آکھیے ویانا کنونشن قونصلر تعلقات، 1963 دے تحت میزبان حکومت دی ذمہ واری اے او قونصلر احاطے دے تقدس دی حفاظت کرے تے سفارتکاراں دی سلامتی یقینی بݨاوے،ایں واقعے فرینکفرٹ اچ پاکستان دے قونصل خانے دی سلامتی کوں خطرے اچ پاݙتے جیں پاروں عملے دی جان کوں خطرہ پئے ڳئے۔ترجمان دفتر خارجہ آکھیے اساں جرمن حکومت کوں آپݨے احتجاج دا ݙسیندے پیوں ، اساں جرمن حکومت تے زور ݙیندوں او ویانا کنونشنز دے تحت اپݨی ذمہ واریاں پوریاں کرݨ تے جرمنی اچ پاکستانی سفارتی مشنز تے عملے دی سلامتی یقینی بݨاوݨ سانڳے وختی اقدامات چاوے ۔ترجمان دفتر خارجہ آکھیے اساں جرمن حکام تے زور ݙیندوں جو او واقعے اچ ملوث لوکاں کوں وختی گرفتار کرن تے انہاں دے خلاف کاروائی کرن تے سیکورٹی دیاں خامیاں دے ذمے وار لوکاں توں ولدا گھنن۔14:40
