اسلام آباد۔18اگست(اے پی پی) صدر مملکت آصف علی زرداری قومی سطح تے جنگلاں دی شرح اچ ودھارے دی لوڑھ تے زور ݙیندے آکھیے پاکستان موسمیاتی تبدیلیاں تے گلوبل وارمنگ توں ساریں توں ودھ متاثر ملکاں اچوں ھک اے ، عوام ساوݨ شجر کاری مہم اچ ودھ چڑھ تے حصہ گھنن ۔ ایوانِ صدردے پریس ونگ توں جاری بیان موجب اے ڳالھ انھاں کراچی اچ شجر کاری مہم دا ٻوٹا لیندے ڳالھ مہاڑ اچ آکھی اے ۔ صدر مملکت بلاول ہاؤس کراچی اچ سالانہ ساوݨ شجر مہم دے تحت نم دا ٻوٹا رادھے ۔ 18 اگست پاکستان اچ ساوݨ دے وݨ رہاوݨ دے قومی ݙینھ دے طور تے منایا ویندے ۔ صدر مملکت آکھیے قومی سطح تےجنگلاں دی شرح اچ ودھارے دی لوڑھ اے ، عوام موسمیاتی تبدیلی، عالمی درجہ حرارت اچ ودھارے دے منفی اثرات گھٹ کرݨ سانڳے ودھ توں ودھ وݨ رہاون ۔ انھاں آکھیے پاکستان موسمیاتی تبدیلیاں اتے گلوبل وارمنگ توں ساریں توں ودھ متاثر ملکاں اچوں ھک اے ، نینگر تے سول سوسائٹی جنگلات دے رقبے کوں ودھاوݨ سانڳے ودھ توں ودھ وݨ رہاوݨ اچ مدد کرن ۔ صدر مملکت آکھیے نم ماحول دوست وݨ اے جیں دے بے شمار ماحولیاتی فیدے ہن، نم صاف ہوا، ٹھڈی چھاں دے علاوہ قدرتی طور تے مچھراں کوں بھڄیندے۔ صدر مملکت آکھیے محترمہ بے نظیر بھٹو شہید دے وزیراعظم دی حیثیت نال پہلے دور حکومت اچ بطوروزیر موسمیات خدمات انجام ݙتن اتے محترمہ بے نظیر بھٹو شہید دے پہلے دور اچ وݨ رہاوݨ دی مہم شروع کیتی جیں دے تحت ملک اچ نم دے وݨ رادھے ڳئے۔ صدرمملکت آکھیے اڄ پاکستان اچ ودھدے درجہ حرارت پاروں وݨ رہاوݨ دی لوڑھ ٻئی ودھ ڳئی اے ، قوم خاص کر نینگر تے سول سوسائٹی ساوݨ شجر کاری مہم اچ ودھ چڑھ تے حصہ گھنن ۔ صدر مملکت آکھیے چنڳے ماحول سانڳے آپݨے محلیں تے نیڑے ودھ توں ودھ ٻوٹے رادھے ونڄن ،صدرمملکت آکھیے ساوݨ شجرکاری مہم، جنگلاں دے ودھارے ، ملک اچ ہریالی ودھاوݨ، ماحول کوں صحت مند تے صاف بݨاوݨ دا بہترین موقع اے ، جنگلاں تے ہریالی اچ ودھارا ساݙے ماحول کوں ساݙیاں آندیان نسلاں سانڳے صحت مند اتےمحفوظ بݨیسی ۔ صدر مملکت آکھیے پاکستان مینگرووز دی بحالی دا کامیاب اقدام کیتے، سندھ اچ لکھاں ایکڑ زمین تے مینگرووز رادھے ڳئن ، اساں مینگرووز کوں مزید ودھاوݨ تے مزید وݨ رہاوݨ سانڳے پرعزم تھی تے کم کریندے پیوں ۔ صدر مملکت آکھیے معاشرے دے سارے طبقے درجہ حرارت کوں گھٹ کرݨ ، ہریالی اتے جنگل ودھاوݨ سانڳے شجرکاری مہم اچ ودھ چڑھ تے حصہ گھنن۔
.jpg)
.jpg)
.jpg)
