سکولاں توں ٻاہر ٻالاں سودھے تعلیمی شعبے اچ پیش آندے چیلنجز نال نبݨݨ ویلھے دی اہم لوڑھ اے ،وفاقی وزیراحسن اقبال

2025-03-05 17:38:15

اسلام آباد۔25ستمبر(اے پی پی) وفاقی وزیر منصوبہ بندی، ترقی واصلاحات وخصوصی اقدامات پروفیسر احسن اقبال آکھیے جو سکولاں توں ٻاہر ٻالاں سودھے تعلیمی شعبے اچ پیش آندے چیلنجز نال نبݨݨ ویلھے دی اہم لوڑھ اے ،تعلیمی شعبے دی ترقی تے تعلیم متعلق منصوبیں تے کم کریندے پیوں ،تعلیمی نصاب اچ جدت اتے مزید اصلاحات گھن آوݨ دی لوڑھ اے ۔ اے ڳالھ انھاں تعلیمی ٹاسک فورس دے پہلے اجلاس توں خطاب کریندے آکھی ، انھاں آکھیے ایجوکیشن انڈیکس رپورٹ الارمنگ اے جو اساکوں ہݨ ہنگامی اقدامات کرݨ دی لوڑھ اے ، صحت اتے تعلیم ایجھے شعبے ہن جنہاں اچ بہتری سانڳے اساں ساریں کوں رل تے کم کرݨا ہوسی،تعلیم ہر ٻال دا بنیادی حق اے ،سکولاں اچ سہولتاں نال استاداں دی تربیت دی وی لوڑھ اے ، سارے پارٹنرز ساݙا ساتھ ݙیوݨ سانڳے تیار ہن ،تعلیم اتے صحت ݙوہیں شعبیں تے خصوصی توجہ ݙیندے پئن انھاں آکھیے تعلیمی اصلاحات ویلھے دی لوڑھ ہن ۔ نصاب اچ نویں جدید رجحانات متعارف کراوݨے ہوسن ٻالاں کوں فنی تعلیم ݙیوݨی ہوسی،سکول وتں ٻاہر ٻال اساں کیتے وݙا چیلنج ہن، وزارت تعلیم کوں آکھسوں جو نصاب اچ جدت سانڳے سمٹ دا انعقاد کریسی۔ احسن اقبال آکھیے نصاب تعلیم کوں عالمی معیار دے تقاضیں نال ہم آہنگ کرݨا ہوسی ، استادیں دی تربیت تے توجہ ݙیوݨی ہوسی ،ضلعی اتے یونین کونسلز سطح تے وی تعلیم کوں بہتر بݨاوݨ سانڳے اقدامات کیتے ویندے پئن تعلیم دے نظام اچ جدت گھن آوݨ دی ویلھے دی لوڑھ اے۔

مضمون کا ماخذ : لاٹری ٹکٹ کی قیمت

متعلقہ مضامین