اسلام آباد۔10اکتوبر(اے پی پی)وفاقی وزیر توانائی(پاور ڈویژن)سردار اویس احمد خان لغاری آکھیے جو توانائی دا ملھ ڳھٹاوݨ ترجیح اے جیندے کیتے کم تھیندا پئے، بجلی دی قیمت 8 توں 10روپے فی یونٹ ڳھٹاوݨ کوشش اے، 5 آئی پی پیز نال مذاکرات تھی ڳن۔ اسلام آباد اچ پریس کانفرنس کریندے انہاں آکھیا جو بجلی دا ملھ ڳھٹاوݨ اتے بجلی دی پیداواری لاگت ڳھٹ کرݨ کیتے کوشش اے، آئی پی پیز مالکان نال مشاورت توں بعد بجلی معاہدیاں تے نظرثانی تھیندی پئی اے اتے 5 آئی پی پیز نال مذاکرات مکمل تھی ڳن، انہاں معاہدیاں کوں تیکھے حتمی شکل ݙتی ویسی، آئی پی پیز نال معاہدے نویں سرو ݙیکھݨ نال 411 ارب روپے دی بچت کیتی گئی اے اتے ٻئی وی بچت تھیسی، آئی پی پیز نال معاہدیاں کیتے آرمی چیف مثالی کردار ادا کیتے۔ انہاں آکھیا جو سیالے اچ بجلی صارفین کیتے خصوصی پیکج ڳھدی آندے ہیں، جیندے نال بجلی فی یونٹ 20 توں 30 روپے تئیں ڳھٹ کیتا ویسی۔ انہاں آکھیا جو بجلی دے یونٹ دی ملھ خرید کیتے ہک ادارہ ٻݨایا ویندا پئے، اڳو تے بجلی دیاں کمپنیاں آپ بجلی دیاں قیمتاں اچ کمی کریسن، شراکت داراں نال رل تے ترسیلی نظام دی بہتری کیتے اقدامات جاری ہین، الیکٹرک وہیکلز سانڳے کم چلدا پئے۔
.jpg)
.jpg)
.jpg)
