لاہور۔14اپریل(اے پی پی)وزیراعلی پنجاب سردار عثمان بزدار ڈیرہ غازی خان دے قبائلی علاقیاں بارتھی اتے مانکا (فاضلہ)دے علاوہ تونسہ شریف دا وی دورہ کیتے اتے قبائلی عمائدین نال ملین، مقامی لوکاں دا وی حال احوال ڳھدے۔ انہاں قبائیلیاں دے مسلے سݨین اتے موقع تے ہی احکامات ݙتن۔ وزیراعلی اپݨے والد سردار فتح محمد خان بزدار مرحوم دی قبر تے وی حاضری ݙتی اتے فاتحہ خوانی کیتی۔ رکن صوبائی اسمبلی خواجہ داد سلیمانی وی انہاں دے نال ہن۔ انہاں مانکا(فاضلہ) اچ ترقیاتی سکیماں تے اڳونہی دا جائزہ ڳھدے۔ بعد اچ وزیراعلی پنجاب تونسہ پڄین اتے بزدار ہائوس اچ معززین علاقہ و شہریاں نال ملین۔ عثمان بزدار لوکاں نال سرائیکی اچ خطاب کیتے اتے آکھیے جو صوبائی کابینہ تونسہ کوں ضلع ٻݨاوݨ دی منظوری ݙے ݙتی اے، اساں اے وی وعدہ پورا کر ݙتے ڄیڑحا میݙی حکومت دا اعزاز اے، عوام دی خدمت جاری رکھسوں، اساں سیاسی انتقام دی بجائے پسماندہ علاقیاں دی محرومیاں ڳھٹاوݨ اتے محبتاں ونݙݨ دا رویہ رکھیے۔ وزیر اعلیٰ ٹیوٹا انسٹیٹیوٹ، ریسٹ ہائوس، سنگھڑ پل، لالو دائرہ شاہ سپر، پارکس، ای لائبریری اتے ٻئے ترقیاتی منصوبیاں دا وی معائنہ کیتے۔
.jpg)