اسلام آباد – 08 مئي (اي پي پي) صدر ممنون حسين چيو آهي ته حڪومت عوام خاص طور تي گهٽ آمدني وارن طبقن کي صحت ۽ علاج جي بهتر سهولتن جي فراهمي کي يقيني بڻائڻ ۾ ڏينهن رات مصروف عمل آهي، وزيراعظم هيلٿ انشورنس پروگرام سميت ڪيترائي ڀلائي وارا قدم کنيا ويا آهن، ڪو به معاشرو پنهنجي معذور ماڻهن جي ذميواري کي وساري نه ٿو سگهي، حڪومت ان سلسلي ۾ پنهنجي ذميوارين کان آگاهه آهي، جسماني معذوري سبب متاثر ماڻهن کي مددگار اوزارن جي فراهمي ۾ پاڪستان جو ڪردار تحسين جوڳو آهي. هن اها ڳالهه معذورن جي مدد بابت ٽيڪنالاجي جي سلسلي ۾ پهرين علائقائي اجلاس کي خطاب ڪندي چئي.
