اسلام آباد۔10جون (اے پی پی) پاکستان اچ گزریل ہک سال اچ کھنڈ،کنڑک، اٹا ،پٹرول،خوردنی تیل سودھی مختلف شہیں دے نرخاں اچ تھیوݨ آلا ودھارا بین الاقوامی مارکیٹ دے مقابلے ٻہوں گھٹ رہے۔پاکستان اچ ہک سال اچ کھنڈ دے نرخ اچ 19.70 فیصد جڈانجو بین الاقوامی مارکیٹ اچ 58.3 فیصد ودھارا ریکارڈ کیتا ڳئے۔ اینویں ای پترول دے نرخ اچ 33 فیصد جڈانجو بین الاقوامی مارکیٹ اچ خام تیل دے نرخ اچ 119.4 فیصد ودھارا ریکارڈ کیتا ڳئے۔ پاکستان اچ بناسپتی گھیو دے نرخ اچ 52.58 فیصد اتے کوکنگ آئل دے نرخ اچ 20.65 فیصد جڈانجو بین الاقوامی مارکیٹ اچ پام آئل دی قیمت اچ 102.6 فیصد اتے آئل دے نرخ اچ 119.2 فیصد ریکارڈ تھیے۔ وزارت خزانہ دے ذرائع دے مطابق مئی 2020 اچ پاکستان اچ (ریفائنڈ) دی ف کلو نرخ 81.37 روپے فی کلو ہئی جڈانجو مئی 2021 اچ کھنڈ دے نرخ 97.43 روپے فی کلو رہی اینویں ای گزریل ہک سال اچ پاکستان اچ کھنڈ دے فی کلو نرخ اچ 19.70 فیصد ودھارا تھیے۔ ڈوجھے پاسوں بین الاقوامی مارکیٹ اچ مئی 2020 وچ کھنڈ دے نرخ 240 ڈالر فی میٹرک ٹن ہئی جیڑھی جو مئی 2021 اچ 380 ڈالر فی میٹرک ٹن تئیں پج ڳئی اتے عالمی منڈی اچ کھنڈ دے نرخ اچ 28.3 فیصد ودھارا ریکارڈ کیتا ڳئے۔ رپورٹ دے مطابق مئی 2020 وچال پاکستان اچ کوکنگ آئل دی قیمت 1276.40 روپے فی 5 کلو گرام ہئی جیڑھی جو مئی 2021 اچ 1540 روپے رہی اے اتے ہک سال دے عرصے اچ ملک اچ کوکنگ آئل دے پنڄ کلو دے نرخ اچ 20.65 فیصد ودھارا جڈانجو مئی 2020 اچ عالمی منڈی اچ سویا بین آئل دی فی میٹرک ٹن قیمت 684 ڈالر ہئی جیڑھی جو مئی 2021 اچ نرخ 1499 ڈالر فی میٹرک ٹن تئیں پڄ ڳئی اے۔ ݙوجھے پاسوں عالمی منڈی اچ پام آئل دی فی میٹرک ٹن نرخ مئی 2020 اچ 574 ڈالر ہئی جیڑھی جو مئی 2021 اچ 1163 ڈالر فی میٹرک ٹن تئیں پڄ ڳئی اے اتے نرخ اچ ہک سال دے عرصے اچ 102.6 فیصد ودھارا ریکارڈ کیتا ڳئے۔ مئی 2020 اچ پاکستان اچ 20 کلو دے اٹے دا تھیلا 878.15 روپے تے ہئی اتے ہک سال دے عرصے اچ نرخ اچ 28.53 فیصد ودھارے نال مئی 2021 اچ نرخ 1128.69 روپے تئیں ودھی اے جڈانجو عالمی منڈی اچ مئی 2020 اچ کنڑک دی فی میٹرک ٹن نرخ 209.9 ڈالر ہئی اتے 29.1 فیصد ودھارے نال مئی 2021 اچ عالمی مارکیٹ اچ کنڑک دی فی میٹرک ٹن نرخ 271 ڈالر تئیں پڄ ڳئی اے۔
