لاہور۔19ستمبر (اے پی پی) وفاقی وزیر برائے منصوبہ بندی پروفیسر احسن اقبال آکھیا جووطن عزیز دے 75ویں یوم آزادی تے لمحہ فکریہ اے جو کیا اساں اڄ ساں ایں ڄاہ تے ہیسے جتھ ہووݨا چاہیدا ہئی۔ 2000 تئیں پاکستان جنوبی ایشیا دے سارے ملکاں توں اڳوں ہئی اڄ بھارت اتے بنگلہ دیش اساں توں اڳوں نکل ڳئن۔ پاکستان صلاحیت دے لحاظ نال کہیں توں ڳھٹ کائنی، ملکی ترقی کیتے پالیسیاں دا تسلسل ضروری اے۔ اے ڳالھیں انہاں سنوار کوں نیشنل سکول آف پبلک پالیسی اچ پہلی ݙو روزہ پبلک پالیسی کانفرنس دے افتتاحی سیشن توں خطاب کریندے پئے ہن۔ ایں موقع تے سکول آف نیشنل پبلک پالیسی دے ریکٹر ڈاکٹر اعجاز منیر،ڈین نیشنل سکول آف پبلک پالیسی ڈاکٹر صفدر ،ڈاکٹر سلمان،ڈاکٹر شجاعت علی ،رضا عابد خان،ڈاکٹر نور الحق اتے ٻئے شرکاء موجود ہن۔ ایں موقع تے انہاں آکھیا جو پاکستان صلاحیت دے لحاظ نال کہیں توں ڳھٹ کائنی، ملکی ترقی کیتے پالیسیاں دا تسلسل ضروری اے۔
