اسلام آباد۔30مئی (اے پی پی) سپیکر قومی اسمبلی راجہ پرویز اشرف بحریہ ٹاؤن اچ سیشن جج آزاد کشمیر سردار امجد اسحاق دے گھر تے ڈکیتی دی واردات دی مذمت کریندیں ہوئیں ایں واقعے اچ انہاں دے قتل تے ݙکھ تے افسوس کیتے۔ منگل کوں اپݨے سنیھے اچ انہاں مرحوم دے ٹبر نال دلی تعزیت اتے ہمدردی کیتی اتے متعلقہ حکام کوں ڈکیتی دی ایں واردات اچ ملوث مجرماں کوں جلدی پکڑ تے قانون دے کٹہرے اچ ڳھن آوݨ دی ہدایت کیتی۔ سپیکر قومی اسمبلی اللہ تعالیٰ توں مرحوم دے درجات دی بلندی اتے انہاں دے ٹبر کیتے صبر دی دعا کیتی۔
