لاہور۔11اکتوبر(اے پی پی)آئی جی پنجاب ڈاکٹر عثمان انور فیصل آباد دی وستی ڈجکوٹ اچ 7 سالہ ٻالڑی نال مبینہ زیادتی دے بعد قتل تے ڈسکہ اچ ݙوڑے قتل دے واقعات دا نوٹس گھن ڳھدا ۔ ترجمان پنجاب پولیس ٻدھ کوں ݙسائے جو آئی جی ڈجکوٹ اچ 7 سالہ ٻالڑی نال مبینہ زیادتی دے بعد قتل دے واقعے تے آر پی او فیصل آباد توں رپورٹ منگ ڳھدی ۔ انہاں سی پی او فیصل آباد کوں واقعے دی ہر پہلو نال تفتیش اتے ملزماں دی گرفتاری دا حکم ݙیندے ہوئیں آکھیے انہاں کوں قرار واقعی سزا ݙیوائی ونڄے۔ ڈاکٹر عثمان انور اے حکم وی ݙتے جو سپروائزری افسران متاثرہ فیملی نال رابطہ رکھن تے انصاف ݙیوݨ ترجیحی بنیاداں تے یقینی بݨایا ونڄے ۔ آئی جی پنجاب منڈیکی ڈسکہ اچ فائرنگ توں 2 لوکاں دی ہلاکت دے واقعے دا وی نوٹس گھندے ہوئیں آر پی او گوجرانوالہ توں رپورٹ منگ ڳھدی۔
