اسلام آباد۔15فروری(اے پی پی)صدر مملکت ڈاکٹر عارف علوی آکھیے جو نینگراں دی ذہنی صلاحیتاں ودھاوݨ اتے ملکی خوشحالی کیتے سازگار ماحول ݙیوݨ دی لوڑھ اے، اے ڳالھ انہاں ایوان صدر اچ نیشنل یونیورسٹی آف ٹیکنالوجی (نیوٹیک) ولوں اسپائر پاکستان دے ڳانݙھے نال نیشنل آئیڈیا بینک (این آئی بی)دے تریڄھے ایڈیشن دی اختتامی تقریب نال خطاب اچ آکھی۔ تقریب اچ ماہرین تعلیم اتے تاجر برادری دے نمائنداں شرکت کیتی۔ انہاں آکھیا جو پاکستانی نوجوان ودھ صلاحیتاں، شاندار ذہن اتے روشن خیالات آلے ہین جنہاں کوں اپݨی سوچ مسابقتی اتے معیاری مصنوعات اچ وٹاوݨ کیتے ہک مناسب پلیٹ
فارم دی لوڑھ اے تاں جو ملکی برآمدات اچ ودھارا کرڄے اتے درآمدات ڳھٹایاں ونڄن۔ صدر اختراعی اتے ابھردیاں ٹیکنالوجیز دی اہمیت ودھیندے اکھیا جو علم تے مبنی معیشت کوں ودھاوݨا چاہیدے، سماجی و اقتصادی ترقی کیتے نیشنل آئیڈیا بینک جھیں فورمز نال ٹیلنٹ ہنٹنگ دی لوڑھ اے، صدر مملکت آکھیا جو بیرون ملک مقیم پاکستانیاں کوں انٹرنیٹ ووٹنگ دے ذریعے ووٹ دا حق ݙیوݨ دے نال نال پاکستان دے انتخابی عمل اچ الیکٹرانک ووٹنگ مشین (ای وی ایم) دے استعمال دا حامی ہاں۔
