واشنگٽن-20 ڊسمبر (اي پي پي)آمريڪي صدر جوبائيڊن مسيحي برادري جي روحاني پيشوا پوپ فرانسس ۽ اٽلي جي وزيراعظم جارجيا ميلوني سان ملاقات لاءِ 9 کان 12 جنوري دوران روم جو دورو ڪندو . پرڏيهي ميڊيا مطابق وائٽ هائوس جي ترجمان ڪيرين جين پيئر گذريل ڏينهن بيان ۾ چيو آهي ته صدر جوبائيڊن جي دوري دوران اٽلي جي صدر سرجيو ماتاريلا سان به ملاقات ڪندو. هن چيو ته صدر جوبائيڊن پوپ فرانس سان گڏجي سڄي دنيا ۾ امن کي اڳتي وڌائڻ جي ڪوششن تي خيالن جي ڏي وٺ ڪندو ۽ اٽلي جي وزيراعظم سان دنيا کي درپيش اهم چئلينجز بابت ڳالهيون ڪندو. وائٽ هائوس چيو آهي ته اهو جوبائيڊن جي اقتدار جو مدو ختم ٿيڻ کان ڪجهه وقت اڳ هوندو.
