اسلام آباد – 22 مارچ (اي پي پي) صدر ڊاڪٽرعارف علوي ملائيشيا جي وزيراعظم ڊاڪٽر مهاتير محمد کي پاڪ ملائيشيا ڀائراڻن لاڳاپن ۽ پائيدار دوستي جي فروغ لاءِ سندس شاندار خدمتن جي اعتراف ۾ ملڪ جو اعليٰ ترين سول اعزاز نشان پاڪستان عطا ڪيو آهي. ان سلسلي ۾ ايوان صدر ۾ اعزاز ورهائڻ جي خصوصي تقريب ٿي. تقريب ۾ وزيراعظم عمران خان پڻ موجود هو. ملائيشيا جو وزيراعظم مهاتير محمد صدر ۽ وزيراعظم سان گڏ تقريب واري هال ۾ پهتو ته ٻنهي ملڪن جا قومي ترانا وڄايا ويا. تقريب جي باقاعده شروعات ڪلام پاڪ جي تلاوت سان ٿي.
