اسلام آباد۔3جنوری (اے پی پی):صدر مملکت ڈاکٹر عارف علوی آزاد کشمیر اتے گلگت بلتستان اچ ساری آبادی اتے ساری ہائی ویز تے بہتر انٹرنیٹ فراہم کرݨ دی لوڑھ تے زور ݙیندے ہوئیں آکھیے جو ملک اچ اعلیٰ معیاردی آئی سی ٹی خدمات دی فراہمی یقینی بݨاوݨ کیتے اقدامات کیتے ویندے پئن ۔ ایوانِ صدر دے پریس ونگ تں جاری بیان موجب اے ڳال انہاں سنوار کوں اتھاں آزاد جموں و کشمیر اتے گلگت بلتستان اچ انٹرنیٹ دی فراہمی تے اجلاس دی صدارت کریندےہوئیں آکھی اے ۔صدر مملکت آکھیے جو حکومت سارے شعبیں اچ سماجی و اقتصادی ترقی کیتے وݙے پیمانے تے ابھردی ڈیجیٹل ٹیکنالوجی اتے جدید ایپس کوں اپناوݨ تے یقین رکھیندی اے براڈ بینڈ اتے انٹرنیٹ تئیں رسائی توں مقامی لوکاں کیتے روزگار اتے ای ایجوکیشن کوں ودھارا تھیسی ۔ ڈاکٹر عارف علوی آکھیے جو آزاد جموں و کشمیر اتے گلگت بلتستان سیاحت دے پرکشش جاہواں ہن اتھاں انٹرنیٹ دی فراہمی حکومت دی اہم ترجیح اے۔ صدر مملکت آزاد کشمیر اتے گلگت بلتستان اچ براڈ بینڈ دی فراہمی اچ ایس سی او دے کردار دی تعریف کیتی ۔ اجلاس اچ وفاقی وزیر آئی ٹی سید امین الحق، وزیر اعلیٰ گلگت بلتستان خالد خورشید، وزیر آئی ٹی آزاد کشمیر محمد اقبال، وفاقی سیکرٹری آئی ٹی محمد سہیل راجپوت دے علاوہ چیئرمین پی ٹی اے میجر جنرل ریٹائرڈ عامر عظیم باجوہ تےر ڈی جی ایس سی او میجر جنرل شاہد صدیق شرکت کیتی۔
.jpg)