دوحہ۔24اگست(اے پی پی)وزیراعظم محمد شہباز شریف آکھیے جو ساکوں ماݨ اے جو فیفا ورلڈ کپ قطر 2022 دا آفیشل میچ بال “الریحلہ” پاکستان اچ ٻݨیے۔ اے الھ انہاں دوحہ اچ فیفا ورلڈ کپ سٹیڈیم 974 دے دورہ ویلھے آکھی جتھاں انہاں کوں ورلڈ کپ دی تیاریاں تے بریفنگ ݙتی ڳئی۔ وزیراعظم ڄڳ دے سب توں وݙے کھیݙاں دے مقابلیاں کیتے جدید ترین سہولتاں سانڳے قطر دی تعریف کیتی اتے سٹیڈیم اچ سہولتاں، سوھݨپ اتے قطری ثقافتی سنڄاݨ کوں سراہیا۔ وزیراعظم ورلڈ کپ دے بنیادی ڈھانچے سانڳے ہتھ ونݙاوݨ کیتے پاکستانی افرادی قوت دے کردار دی وی تعریف کیتی۔
