لاہور۔15نومبر(اے پی پی)نگران وزیراعلیٰ پنجاب محسن نقوی صوبے دے مختلف شہراں اچ بزرگان دین دے مزارات دی اپ گریڈیشن تیکھے مکمل کرݨ دی ہدایت کریندے آکھیے جو مزارات دا سوھݨپ اتے اپ گریڈیشن ویلھے تے کیتی ونڄے تاں جو آوݨ آلے زائرین اتے عقیدت منداں کوں سوکھ ملے۔ اے ڳالھ انہاں لاہور اچ اپݨی اڳواݨی اچ تھیوݨ آلے اجلاس اچ ݙتن جیندے اچ مزارات دی تزئین وآرائش اتے اپ گریڈیشن پراجیکٹ دا تفصیلی جائزہ ڳھدا ڳیا۔ اجلاس اچ حضرت داتاگنج بخشؒ، بی بی پاک دامن، حضرت بابا بلھے شاہؒ، حضرت شاہ شمس تبزیزؒ، حضرت بابا فرید گنج شکرؒ، حضرت موسیٰ پاک شہیدؒ اتے حضرت جلال الدین شاہ بخاریؒ دے مزارات دی تعمیر و بحالی اتے تزئین آرائش تے بریفنگ ݙتی گئی اتے مزارات دے ماسٹر پلان تے اڳونہی دا ݙسایا ڳیا۔ اجلاس اچ صوبائی وزیر اوقاف اظفر علی ناصر، چیئرمین پلاننگ اینڈ ڈویلپمنٹ بورڈ، سینئر ممبر بورڈ آف ریونیو، سیکرٹریز تعمیرات ومواصلات، اوقاف اتے متعلقہ حکام شرکت کیتی۔
